Müqəddəs Kitab
Yezekel - Fəsil 2
Fəsillər: Giriş 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 41 42 43 44 45 46 47 48
Allahın Yezekelə çağırışı
1) O, mənə dedi: “Ey bəşər oğlu, ayağa qalx, Mən səninlə danışacağam”.
2) O, mənimlə danışarkən Ruh daxilimə girdi və məni ayağa qaldırdı. Mənimlə danışan bir Şəxsin səsini eşitdim.
3) O, mənə dedi: “Ey bəşər oğlu, səni Mənə qarşı üsyan edən İsrail övladlarının – asi bir millətin yanına göndərirəm. Onlar ataları ilə birgə bu günə qədər Mənə qarşı üsyan edir.
4) Səni yanlarına göndərəcəyim xalq dikbaş və inadkardır. Sən onlara deyəcəksən: “Xudavənd Rəbb belə deyir!”
5) İstəyirlər sənə qulaq assınlar, istəyirlər yox, çünki onlar asi bir xalqdır. Ancaq bilsinlər ki, aralarında bir peyğəmbər var.
6) Ancaq, ey bəşər oğlu, sən qanqallar və tikanlar arasında olsan da, əqrəblər içində otursan da, o adamlardan qorxma, onların sözlərindən çəkinmə. Asi bir xalq olsalar da, onların sözlərindən çəkinmə, onlardan qorxma.
7) Sən onlara Mənim sözlərimi söylə, istəyirlər sənə qulaq assınlar, istəyirlər yox, çünki onlar asidir.
8) Ey bəşər oğlu, sənsə Mənim söylədiklərimə qulaq as, bu asi xalq kimi sən də asi olma. Ağzını aç və Mənim sənə verəcəyim şeyi ye”.
9) Mən baxıb gördüm ki, mənə tərəf bir əl uzandı və əlin içində bir tumar var.
10) O, tumarı qabağımda açdı. Tumarın önü və arxası yazılı idi, üzərində “mərsiyə, matəm, bəla” sözləri yazılmışdı.
- 2:9-10 – Vəhy 5:1
